《電玩FreeRider》勇闖召喚峽谷－無限死鬥篇

筆者是忠實的Pubg fans，每晚收工就返屋企同班兄弟打Pubg，仲要打到食到雞先訓。有日女朋友突然走黎同我講：好似好好玩，我都想一齊玩啊！ 相信大部分巴打都會同我諗既野一樣：唔x係掛？ 女朋友平時連拍隻蚊既反應都冇，點打Pubg呀？同你玩一年分分鐘都食唔到雞！雖然心裡一萬個不願意，但作為典型廢物港男的我，唯有笑住答：好呀BB！ 玩左幾盤之後，女朋友依然係零Hit point，但食雞率竟然高過之前4個全男班！究竟點解呢？立即同大家分析下： 1. 資源分配 ─ 有時運氣唔好，搵好耐都搵唔到一把好槍，但女仔多數有自知之明，會將手上既好槍比你，而自己用手槍！ 2. 流動背包 ─ 將唔重要但有機會需要既物品比女袋住，一旦有需要就叫佢比佢！ 3. 爆發潛能 ─ 係男人都想喺條女面前認威，所以打果時特別集中！大幅提高勝出率！…