尋日為大家寫左篇<當你電腦玩唔到新Game，你必定試過做的8件事！>，相信呢個小故事都會引起打機朋友既共鳴。
或者你睇完篇文之後，你終於肯「的起心肝」去upgrade部電腦既時候，有冇另一個問題又來了：顯卡無貨！
如果你最近想要砌機，你可能會覺得不是好時機，因為從 2017 年開始，好多顯示卡都有相當程度的升價。新的一年到了，顯示卡既價格是否有機會回到正常水平呢？很抱歉，目前睇黎答案是：不會。
由於挖礦熱潮導致顯示卡供不應求，因此顯示卡的價格都一路飆升，令到真正玩家根本買唔到手。在外國團購網站上，有一個關於「GTX 1080 Ti」顯卡幾時跌價的討論Post， 該團購平台經理 Brian Hutchins 表示，先前 Nvidia 來到總部拜訪時，他問過 Nvidia 關於顯示卡幾時可以解決缺貨的問題。
他表示，「2017 年Apple與Samsung的新手機推出時，使用了與顯示卡相同的記憶體，而Apple和Samsung願意支付比顯示卡廠商更多的錢，以確保佢地記憶體貨源充足。但咁樣間接令到像是 MSI、技嘉、華碩、EVGA 等相對起來規模較細既顯示卡生產公司，記憶體貨源嚴重不足。」
雖然近年手機旗艦機都開始轉用了 DDR4 和 DDR4L 記憶體，但記憶體缺貨問題又係唔係解決左呢？這個絕對不是。因為現時大多數的顯示卡係採用 GDDR5，而 DRAM 既生產商必須將主要的產量轉去生產 DDR4，因為Smartphone先係大客戶。因此，在記憶體缺貨問題仍然是個困擾。
講番重點，究竟顯示卡會唔會跌價呢？有人估計今年第3季bitcoin可能會爆煲，但也可能不會發生。不過如果要顯示卡跌價的話，最有可能發生既就係等爆煲。另外對於顯示卡漲價的問題，Nvidia預計未來顯示卡價格仍有上升空間，你話死唔死？
