作為玩家既你,每次裝完一隻新Game之後都一定會好興奮!一切準備就緒準備load game既時候,然後你心入面講左句:「X!」
你發現fps低到冇得再低,甚至連mouse移動都有殘影。進入遊戲後出現既動畫聲畫不同步,介紹遊戲既NPC口吃程度拍得住一個毒男同女神講野。
好快你就會進入〈遊戲設定〉,將畫質調低,關上MSAA,最後也把所有不知名的東西一齊關上。可惜都冇任何幫助,好明顯隻Game同你部機完全唔夾!
以上既故事一定發生過在你同我身上,但接下來我地應該做咩呢?
理論上每隻遊戲都有auto-detect settings,遊戲會自動detect你既硬件設備,根據硬件設備為你做一個最合適既setting。
每個大型既遊戲forum都會有關於電腦性能既文章,呢種post好易搵到。你會不停睇不停睇,直至搵到情況同你一樣的人。
但你總會搵到啲九唔搭八既人,聲稱自己用緊GTX 770,中畫質,穩定60FPS。但仍然覺得不滿足……真的身在福中不知福!
望住呢啲POST個人會愈會愈炆,點解自己部機明明勁過佢,但佢可以咁順?你比自己既答案係:條友一定講緊大話!
在你睇遊戲forum時,你會發現好多人討論遊戲的性能是否受限於CPU。
原來幾年之後,你仲未升級CPU,因為你一直認為顯卡更重要。睇完一些關於CPU使用率的論壇post後,你開始發覺CPU既重要性了。
有人會認為,CPU實際上係呢款新遊戲性能中最重要的東西。但總有人會話並非如此。人人講既野都唔同,但你開始對你的CPU感到憂傷。可能你應該買一個更好的CPU?
明明你覺得自己cpu同顯卡都唔係太差,但點解打機會咁慢?你開始問自己,係唔係部機有野壞?係唔係底板抽線有野插錯呢?一千萬個理由係你腦海浮現出黎!
你開始想打開機箱研究下咩事,仲想睇下抽線係唔係有咩搞錯左,最後你會同自己講:「搞咁多野,不如買部新啦!」
如果超頻顯卡呢?如果超頻CPU呢?定買新CPU同新顯卡,然後再超頻呢?你開始想離開張床,DOWNLOAD超頻軟件,但又怕超頻會搞壞部機,最後你都打消左念頭,繼續上床發白日夢!
隻Game公開下載左24小時,但你已經用左12小時解決lag機問題。你唔知仲要搞幾耐。望望鐘,你發覺得已經9個鐘未食野。反正又冇機打,個人心情又唔好,你決定叫一個pizza外賣醫好個肚然後再作打算!
深呼吸。你已經等了幾個月玩呢種遊戲。無錯佢有一些性能問題,但so what?每個人都話有得玩已經好開心!
你決定關上fps既顯示數,專注的過第一關。因為你知道只要通過左第一關,所有事就可以繼續了!
你極度專心,距離第二關仲差一點點距離!差一點!還差一點!然後…….彈出error彈game了!
停止遊戲,換衫出發黃金廣場砌機。
出門口之前你仲會打比你朋友,叫佢陪佢出黎食野同砌機!
最終,你成功玩到呢Game了!
Pokémon Asia Pl...