筆者是忠實的Pubg fans，每晚收工就返屋企同班兄弟打Pubg，仲要打到食到雞先訓。有日女朋友突然走黎同我講：好似好好玩，我都想一齊玩啊！
相信大部分巴打都會同我諗既野一樣：唔x係掛？
女朋友平時連拍隻蚊既反應都冇，點打Pubg呀？同你玩一年分分鐘都食唔到雞！雖然心裡一萬個不願意，但作為典型廢物港男的我，唯有笑住答：好呀BB！
玩左幾盤之後，女朋友依然係零Hit point，但食雞率竟然高過之前4個全男班！究竟點解呢？立即同大家分析下：
1. 資源分配 ─ 有時運氣唔好，搵好耐都搵唔到一把好槍，但女仔多數有自知之明，會將手上既好槍比你，而自己用手槍！
Advertisement
2. 流動背包 ─ 將唔重要但有機會需要既物品比女袋住，一旦有需要就叫佢比佢！
3. 爆發潛能 ─ 係男人都想喺條女面前認威，所以打果時特別集中！大幅提高勝出率！
4. 推卸責任 ─ 萬一比對手殺死，可以同人講：「掛住去救條女，又要照顧住佢，冇計啦！」咁講成件事立即型晒！邊個得閒理你食唔食到雞！
5. 增進感情 ─ 情侶有共同興趣都係一件好事，起碼女朋友唔會迫你陪佢睇韓劇已經好好了！
